Ahmedabad Air India Crash: Black Box Recovery Se Kya Pata Chala? Aur kya sach same aaya "

“Ahmedabad Plane Crash: Black Box Recovery Se Kya Pata Chala? Aur kya sach samne aaya "

Ahmedabad plane crash ne poore desh ko hila diya 12 June 2025 ko dopahar ke samay, Ahmedabad airport se udaan bharte hi Air India ki flight AI-171, jo ki London Gatwick ja rahi thi, mahz 30 second baad durghatna grast ho gayi. Yeh ek Boeing 787-8 Dreamliner viman tha

crash ho gayi. Is bhayanak ghatna ke turant baad logon ke mann mein sabse bada sawal tha: "Black Box mila ya nahi?,"Aur investigation ka kya hua?"

Iss blog mein hum  plane crash me Black Box ke recovery, uske analysis aur poori investigation process ke baare mein detail mein baat karenge 

1.Kya Hota Hai Black Box? (FDR aur CVR ka Role)

a) Black Box ka Matlab

Black Box do main parts ka combination hota hai:

1. FDR (Flight Data Recorder) – Flight ke technical data jaise speed, altitude, engine performance wagairah record karta hai.

2. CVR (Cockpit Voice Recorder) – Pilot aur co-pilot ki conversation, cockpit ke alarms aur sounds ko record karta hai.

Inka analysis kisi bhi plane crash investigation ka sabse important part hota hai.

2.Ahmedabad Plane Crash Mein Black Box Kab Aur Kahan Mila?

a) FDR Recovery

13 June 2025 ko crash ke ~28 ghante baad, Flight Data Recorder (FDR) B.J. Medical College ki chhat par mila.

b) CVR Recovery

16 June 2025 ko second part, Cockpit Voice Recorder (CVR), bhi debris ke andar se retrieve kiya gaya.

Dono black boxes severely damaged the kyunki crash ke baad fire kaafi intense tha – temperature ~1000°C tak gaya tha.

3.Investigation Process Kaise Chal rahan Hai?

a) Pehle Step – Damage Assessment

AAIB (Aircraft Accident Investigation Bureau) ne pehle damage assess kiya. FDR aur CVR dono fire se affected mile, isliye data extract karna thoda challenging hai.

b) Kya Black Box India Mein Decode Hoga?

MoCA (Ministry of Civil Aviation) ne clear kiya hai ki abhi decision pending hai.

Agar India ki lab (New Delhi AAIB Lab – Udaan Bhawan) data extract kar paayi, to yahin par analysis hoga.

Agar zyada severe damage hua to US ke NTSB Lab mein bhejne ka decision AAIB le sakti hai.

4.Report Kab Aayegi?

1. Preliminary Report – 30 din ke andar (expected by 12 July 2025).

2. Final Investigation Report – ICAO guidelines ke mutabik 1 saal ke andar publish ki jaayegi.

5.Public Reaction Aur Safety Concerns

Is crash ke baad aviation safety par kai sawaal uth rahe hain:

Engine malfunction ya technical fault?

Crew ne emergency kaise handle ki?

Flight route aur maintenance protocols theek the ya nahi?

Black Box analysis ke baad hi yeh sab sawalon ke jawab mil paayenge.

6.Conclusion – Ab Kya Expect Karein?

Ahmedabad plane crash jaise incidents mein sabse pehla step hota hai sach ka samna karna – aur Black Box usi ka key hota hai. Dono recorders mil chuke hain, damage assess kiya ja raha hai, aur jald hi data extract hoke sab kuch saamne aayega.

Jab tak official report nahi aati, speculation se bachna zaroori hai. Hum is blog ko regular update karte rahenge jaise jaise naye facts saamne aate hain. hum aapko jankari dete rahenge !

Aapke koi questions hain ya aap chahte hain ki hum is topic par aur deep analysis karein, to niche comment karen ya hume contact karein. 

Tags: #blackbox #planecrash #Ahemdabaad #blackboxrecovery